ద్వాదశ సర్గ
Download శుద్ద పాఠ్యం | Audio
స తస్య మధ్యే భవనస్య వానరొ |
లతా గృహాం శ్చిత్ర గృహాన్ నిశా గృహాన్ |
జగామ సీతాం ప్రతి దర్శనోత్సుకొ |
న చైవ తాం పశ్యతి చారు దర్శనామ్ || 1
స చింతయామాస తతొ మహా కపిః |
ప్రియామపశ్యన్ రఘు నందనస్య తామ్ |
ధ్రువం హి సీతా మ్రియతే యథా న మే |
విచిన్వతొ దర్శనం ఎతి మైథిలీ || 2
సా రాక్షసానాం ప్రవరేణ జానకీ |
స్వ శీల సంరక్షణ తత్ పరా సతీ |
అనేన నూనం ప్రతిదుష్ట కర్మణా |
హతా భవేద్ ఆర్య పథే పరే స్థితా || 3
విరూప రూపా వికృతా వివర్చసొ |
మహా ఆననా దీర్ఘ విరూప దర్శనాః |
సమీక్ష్య సా రాక్షస రాజ యొషితొ |
భయాద్ వినష్టా జనకేశ్వర ఆత్మజా|| 4
సీతాం అదృష్ట్వా హి అనవాప్య పౌరుషమ్ |
విహృత్య కాలం సహ వానరై శ్చిరమ్ |
న మే౽ స్తి సుగ్రీవ సమీపగా గతిః |
సుతీక్ష్ణ దండో బలవాంశ్చ వానరః || 5
దృష్టం అంతః పురం సర్వం దృష్ట్వా రావణ యొషితః |
న సీతా దృశ్యతే సాధ్వీ వృథా జాతొ మమ శ్రమః || 6
కిం ను మాం వానరాః సర్వే గతం వక్ష్యంతి సంగతాః |
గత్వా తత్ర త్వయా వీర కిం కృతం తద్ వదస్వ నః || 7
అదృష్ట్వా కిం ప్రవక్ష్యామి తామహం జనకాత్మజామ్ |
ధ్రువం ప్రాయం ఉపేష్యంతి కాలస్య వ్యతివర్తనే || 8
కిం వా వక్ష్యతి వృద్ధశ్చ జాంబవాన్ అంగద శ్చ సః |
గతం పారం సముద్రస్య వానరా శ్చ సమాగతాః || 9
అనిర్వేదః శ్రియొ మూలం అనిర్వేదః పరం సుఖమ్ |
అనిర్వేదొ హి సతతం సర్వ అర్థేషు ప్రవర్తకః || 10
కరొతి సఫలం జంతొః కర్మ యత్తత్ కరొతి సః |
తస్మాద్ అనిర్వేద కృతం యత్నం చేష్టే౽ అహం ఉత్తమమ్ || 11
భూయాస్తావ ద్విచేష్యామి దేశాన్ రావణ పాలితాన్ |
ఆపాన శాలా విచితా స్తథా పుష్ప గృహాణి చ || 12
చిత్ర శాలాశ్చ విచితా భూయః క్రీడా గృహాణి చ |
నిష్కుట అంతర రథ్యా శ్చ విమానాని చ సర్వశః || 13
ఇతి సంచింత్య భూయొ౽ అపి విచేతుం ఉపచక్రమే |
భూమీ గృహాం శ్చైత్య గృహాన్ గృహ అతిగృహకాన్ అపి || 14
ఉత్పతన్ నిపతంశ్చ అపి తిష్ఠన్ గచ్చన్ పునః పునః |
అపావృణ్వంశ్చ ద్వారాణి కపాటాని అవఘట్టయన్ || 15
ప్రవిశన్ నిష్పతం శ్చ అపి ప్రపతన్న్ ఉత్పతన్న్ అపి |
సర్వం అపి వ్యవకాశం స విచచార మహా కపిః || 16
చతుర్ అంగుల మాత్రొ౽ అపి న అవకాశ స్స విద్యతే |
రావణ అంతః పురే తస్మిన్ యం కపిర్న జగామ సః || 17
ప్రాకర అంతర రథ్యా శ్చ వేదికా శ్చైత్య సంశ్రయాః |
దీర్ఘికాః పుష్కరిణ్య శ్చ సర్వం తేన అవలొకితమ్ || 18
రాక్షస్యొ వివిధ ఆకారా విరూపా వికృతా స్తథా |
దృష్టా హనూమతా తత్ర న తు సా జనకాత్మజా || 19
రూపేణ అప్రతిమా లొకే వరా విద్యా ధర స్త్రియః |
దృష్ట్వా హనూమతా తత్ర న తు రాఘవ నందినీ || 20
నాగ కన్యా వర ఆరొహాః పూర్ణ చంద్ర నిభ ఆననాః |
దృష్టా హనూమతా తత్ర న తు సీతా సుమధ్యమా || 21
ప్రమథ్య రాక్షసేంద్రేణ నాగ కన్యా బలాద్ద్ హృతాః |
దృష్టా హనూమతా తత్ర న సా జనక నందినీ || 22
సొ౽ అపశ్యం స్తాం మహా బాహుః పశ్యం శ్చ అన్యా వర స్త్రియః |
విషసాద మూహుర్దీమాన్ హనూమాన్ మారుత ఆత్మజః || 23
ఉద్యొగం వానరేంద్రాణం ప్లవనం సాగరస్య చ |
వ్యర్థం వీక్ష్య౽ అనిల సుత శ్చింతాం పునరుపాగమత్ || 24
అవతీర్య విమానాశ్చ హనూమాన్ మారుతాత్మజః |
చింతాం ఉపజగామ అథ శొక ఉపహత చేతనః || 25
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాండే, ద్వాదశః సర్గః ||