17 సర్గ
Download శుద్ద పాఠ్యం | Audio
తతః కుముదషండాభొ నిర్మలో నిర్మలం స్వయమ్ |
ప్రజగామ నభశ్చంద్రొ హంసొ నీలమివొదకం || 1
సాచివ్యమివ కుర్వన్ స ప్రభయా నిర్మలప్రభః |
చంద్రమా రశ్మభి శ్శీతై స్సిషేవే పవనాత్మజమ్ || 2
స దదర్శ తత స్సీతాం పూర్ణచంద్రనిభాననామ్ |
శొకభారైరివ న్యస్తాం భారైర్నావమివాంభసి || 3
దిదృక్షమాణొ వైదేహీం హనుమాన్ మారుతాత్మజః |
స దదర్శావిదూరస్థా రాక్షసీ ర్ఘొరదర్శనాః || 4
ఎకాక్షీమేకకర్ణాం చ కర్ణప్రావరణాం తథా |
అకర్ణాం శంకుకర్ణాం చ మస్తకొచ్ఛ్వాసనాసికాం || 5
అతికాయొత్తమాంగీం చ తనుదీర్ఘశిరొధరామ్ |
ధ్వస్తకేశీం తథాకేశీం కేశకంబళధారిణీం || 6
లంబకర్ణలలాటాం చ లంబొదరపయొధరామ్ |
లంబొష్ఠీం చుబుకొష్ఠీం చ లంబాస్యాం లంబజానుకాం || 7
హ్రస్వాదీర్ఘాం తథా కుబ్జాం వికటాం వామనాం తథా |
కరాళాం భుగ్నవక్త్రాం చ పింగాక్షీం వికృతాననామ్ || 8
వికృతాః పింగలాః కాలీః క్రొధనాః కలహప్రియాః |
కాలాయసమహాశూలకూటముద్గరధారిణీః || 9
వరాహమృగశార్దూలమహిషాజశివాముఖీః |
గజొష్ట్ర హయపాదీశ్చ నిఖాతశిరసొ౽పరాః || 10
ఎకహస్తైకపాదాశ్చ ఖరకర్ణ్యశ్వకర్ణికాః |
గొకర్ణీర్హస్తికర్ణీశ్చ హరికర్ణీ స్తథాపరాః || 11
అనాసా అతినాసాశ్చ తిర్య ఙ్నాసా వినాసికాః |
గజనన్నిభనాసాశ్చ లలాటొచ్చ్వాసనాసికాః || 12
హస్తిపాదా మహాపాదా గొపాదాః పాదచూళికాః |
అతిమాత్రశిరొగ్రీవా అతిమాత్రకుచొదరీః || 13
అతిమాత్రస్యనేత్రాశ్చ దీర్ఘజిహ్వానఖా స్తథా |
అజాముఖీ ర్హస్తిముఖీ ర్గొముఖీ స్సూకరీముఖీః || 14
హయొష్ట్రఖరవక్త్రాశ్చ రాక్షసీ ర్ఘొరదర్శనాః |
శూలముద్గరహస్తాశ్చ క్రొధనాః కలహప్రియాః || 15
కరాళా ధూమ్రకేశీశ్చ రాక్షసీర్వికృతాననాః |
పిబంతీ స్సతతం పానం సదా మాం ససురాప్రియాః || 16
మాంసశొణితదిగ్ధాంగీ ర్మాంసశొణితభొజనాః |
తా దదర్శ కపిశ్రేష్ఠొ రొమహర్షణదర్శనాః |
స్కంధవంతముపాసీనాః పరివార్య వనస్పతిమ్ || 17
తస్యాధస్తాచ్చ తాం దేవీం రాజపుత్రీ మనిందితామ్ |
లక్షయామాస లక్ష్మీవాన్ హనుమాన్ జనకాత్మజామ్ || 18
నిష్ప్రభాం శోకసంతప్తాం మలసంకులమూర్ధజామ్ |
క్షీణపుణ్యాం చ్యుతాం భూమౌ తారాం నిపతితామివ || 19
చారిత్రవ్యపదేశాడ్యాం భర్తృ దర్శనదుర్గతామ్ |
భూషణైరుత్తమొర్హీనాం భర్తృవాత్సల్యభూషణామ్ || 20
రాక్షసాధిపసంరుద్ధాం బంధుభిశ్చ వినా కృతామ్ |
వియూథాం సింహ సంరుద్ధాం బద్ధాం గజవధూమివ || 21
చంద్రరేఖాం పయొదాంతే శారదా భ్రైరివావృతామ్ |
క్లిష్టరూపా మసంస్పర్శా దయుక్తామివ వల్లకీమ్ || 22
సీతాం భర్తృ వశే యుక్తా మయుక్తాం రాక్షసీవశే |
అశొకవనితా మధ్యే శొకసాగర మాప్లుతాం || 23
తాభిః పరివృతాం తత్ర సగ్రహామివ రొహిణీమ్ |
దదర్శ హనుమాన్ దేవీం లతాం కుసుమితామివ || 24
సా మలేన చ దిగ్ధాంగీ వపుషా చాప్యలంకృతా |
మృణాలీ పంకదిగ్ధేవ విభాతి న విభాతి చ || 25
మలినేన తు వస్త్రేణ పరిక్లిష్టేన భామినీమ్ |
సంవృతాం మృగశాబాక్షీం దదర్శ హనుమాన్ కపిః || 26
తాం దేవీం దీనవదనా మదీనాం భర్తృతేజసా |
రక్షితాం స్వేన శీలేన సీతామసితలొచనామ్ || 27
తాం దృష్ట్వా హనుమాన్ సీతాం మృగశాబనిభేక్షణామ్ |
మృగకన్యామివ త్రస్తాం వీక్షమాణాం సమంతతః || 28
దహంతీమివ నిశ్శ్వాసై ర్వృక్షాన్ పల్లవధారిణః |
సంఘాతమివ శొకానాం దుఃఖస్యొర్మిమివొత్థితామ్ || 29
తాం క్షమాం సువిభక్తాంగీం వినాభరణశొభినీమ్ |
ప్రహర్షమతులం లేభే మారుతిః ప్రేక్ష్య మైథిలీమ్ || 30
హర్షజాని చ సొ౽శ్రూణి తాం దృష్ట్వా మదిరేక్షణామ్ |
ముమోచే హనుమాం స్తత్ర నమశ్చక్రే చ రాఘవమ్ || 31
నమస్కృత్వా చ రామాయ లక్ష్మణాయ చ వీర్యవాన్ |
సీతా దర్శనం సంహృష్టొ హనుమాన్ సంవృతొ౽భవత్ || 32
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాణ్డే, సప్తదశః సర్గః