25 సర్గ
Download శుద్ద పాఠ్యం | Audio
అథ తాసాం వదంతీనాం పరుషం దారుణం బహు |
రాక్షసీనా మసౌమ్యానాం రురొద జనకాత్మజా || 1
ఎవ ముక్తా తు వైదేహీ రాక్షసీభి ర్మనస్వినీ |
ఉవాచ పరమత్రస్తా బాష్పగద్గదయా గిరా || 2
న మానుషీ రాక్షసస్య భార్యా భవితుమర్హతి |
కామం ఖాదత మాం సర్వా న కరిష్యామి వొ వచః || 3
సా రాక్షసీమధ్యగతా సీతా సురసుతొపమా |
న శర్మ లేభే దుఃఖార్తా రావణేన చ తర్జితా || 4
వేపతే స్మాధికం సీతా విశంతీ వాంగ మాత్మనః |
వనే యథా పరిభ్రష్టా మృగీ కొకై రివార్దితా || 5
సా త్వశొకస్య విపులాం శాఖా మాలంబ్య పుష్పితామ్ |
చింతయామాస శొకేన భర్తారం భగ్నమానసా || 6
సా స్నాపయంతీ విపులౌ స్తనౌ నేత్రజలస్రవైః |
చింతయంతీ న శొకస్య తదాంత మధిగచ్ఛతి || 7
సా వేపమానా పతితా ప్రవాతే కదళీ యథా |
రాక్షసీనాం భయత్రస్తా వివర్ణవదనా౽భవత్ || 8
తస్యా స్సా దీర్ఘవిపులా వేపంత్యా సీతయా తదా |
దదృశే కంపినీ వేణీ వ్యాళీవ పరిసర్పతీ || 9
సా నిఃశ్వసంతీ దుఃఖార్తా శొకొపహతచేతనా |
ఆర్తా వ్యసృజ దశ్రూణి మైథిలీ విలలాప హ || 10
హా రామేతి చ దుఃఖార్తా హా పున ర్లక్ష్మణేతి చ |
హా శ్వశ్రు మమ కౌసల్యే హా సుమిత్రేతి భామినీ || 11
లొకప్రవాదః సత్యొ౽యం పండితై స్సముదాహృతః |
అకాలే దుర్లభొ మృత్యుః స్త్రియా వా పురుషస్య వా || 12
యత్రాహ మేవం క్రూరాభీ రాక్షసీభి రిహార్దితా |
జీవామి హీనా రామేణ ముహూర్తమపి దుఃఖితా || 13
ఎషా౽ల్పపుణ్యా కృపణా వినశిష్యా మ్యనాథవత్ |
సముద్రమథ్యే నౌః పూర్ణా వాయువేగై రివాహతా || 14
భర్తారం త మపశ్యంతీ రాక్షసీవశ మాగతా |
సీదామి ఖలు శొకేన కూలం తొయహతం యథా || 15
తం పద్మదళపత్రాక్షం సింహవిక్రాంతగామినమ్ |
ధన్యాః పశ్యంతి మే నాథం కృతజ్ఙం ప్రియవాదినమ్ || 16
సర్వథా తేన హీనాయా రామేణ విదితాత్మనా |
తీక్ష్ణం విష మివాస్వాద్య దుర్లభం మమ జీవితమ్ || 17
కీదృశం తు మయా పాపం పురా జన్మాంతరే కృతమ్ |
యే నేదం ప్రాప్యతే దుఃఖం మయా ఘొరం సుదారుణం || 18
జీవితం త్యక్తు మిచ్ఛామి శొకేన మహతా వృతా |
రాక్షసీభిశ్చ రక్ష్యంత్యా రామో నాసాద్యతే మయా || 19
ధిగస్తు ఖలు మానుష్యం ధిగస్తు పరవశ్యతామ్ |
న శక్యం యత్పరిత్యక్తు మాత్మచ్ఛందేన జీవితమ్ || 20
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాణ్డే, పంచవింశః సర్గః