34 సర్గ
Download శుద్ద పాఠ్యం | Audio
తస్యా స్తద్వచనం శ్రుత్వా హనూమాన్ హరి యూథపః |
దుఃఖా దుఃఖాభిభూతాయా స్సాంత్వ ముత్తర మబ్రవీత్ || 1
అహం రామస్య సందేశా ద్దేవి దూత స్తవాగతః |
వైదేహి కుశలీ రామ స్త్వాం చ కౌశలమబ్రవీత్ || 2
యొ బ్రాహ్మ మస్త్రం వేదాంశ్చ వేద వేదవిదాం వరః |
స త్వాం దాశరథీ రామో దేవి కౌశలమబ్రవీత్ || 3
లక్ష్మణశ్చ మహాతేజా భర్తు స్తే౽నుచరః ప్రియః |
కృతవాన్ శొక సంతప్త శ్శిరసా తే౽భివాదనమ్ || 4
సా తయోః కుశలం దేవీ నిశమ్య నర సింహయోః |
ప్రీతి సంహృష్ట సర్వాంగీ హనూమాంత మాథాబ్రవీత్ || 5
కల్యాణీ బత గథేయం లౌకికీ ప్రతిభాతి మా |
ఎతి జీవంత మానందో నరం వర్ష శతాదపి || 6
తయా సమాగమే తస్మిన్ ప్రీతి రుత్పాదితా౽ద్భుతా |
పరస్పరేణ చలాపం విశ్వస్తౌ తౌ ప్రచక్రతుః || 7
తస్యా స్తద్వచనం శ్రుత్వా హనూమాన్ హరి యూథపః |
సీతాయా శ్శొక దీనాయా స్సమీప ముపచక్రమే || 8
యథా యథా సమీపం స హనూమాన్ ఉపసర్పతి |
తథా తథా రావణం సా తం సీతా పరిశంకతే || 9
అహో ధిగ్ దుష్కృతమిదం కథితం హి యదస్య మే |
రూపాంతర ముపాగమ్య స ఏవాయం హి రావణః || 10
తామశొకస్య శాఖాం సా విముక్త్వా శొక కర్శితా |
తస్యామే వానవద్యాంగీ ధరణ్యాం సముపావిశత్ || 11
హనుమానపి దుఃఖార్తాం తాం దృష్ట్వా భయమొహితామ్ |
అవందత మహాబాహు స్తత స్తాం జనకాత్మజామ్ |
సా చైనం భయ విత్రస్తా భూయొ నై వాభ్యుదైక్షత || 12
తం దృష్ట్వా వందమానం తు సీతా శశి నిభాననా |
అబ్రవీ ద్దీర్ఘముచ్ఛ్వస్య వానరం మధుర స్వరా || 13
మాయాం ప్రవిష్టొ మాయావీ యది త్వం రావణః స్వయమ్ |
ఉత్పాదయసి మే భూయ స్సంతాపం తన్న శొభనమ్ || 14
స్వం పరిత్యజ్య రూపం యః పరివ్రాజక రూపధృత్ |
జన స్థానే మయా దృష్ట స్త్వం స ఎవాసి రావణః || 15
ఉపవాస కృశాం దీనాం కామ రూప నిశా చర |
సంతాపయసి మాం భూయస్సంతాప్తాం తన్న శొభనమ్ || 16
అథవా నైత దేవం హి యన్మయా పరిశంకితమ్ |
మనసొ హి మమ ప్రీతి రుత్పన్నా తవ దర్శనాత్ || 17
యది రామస్య దూత స్త్వ మాగతొ భద్ర మస్తు తే |
పృచ్ఛామి త్వాం హరి శ్రేష్ఠ ప్రియా రామ కథా హి మే || 18
గుణాన్ రామస్య కథయ ప్రియస్య మమ వానర |
చిత్తం హరసి మే సౌమ్య నదీ కూలం యథా రయః || 19
అహొ స్వప్నస్య సుఖతా యా౽హ మేవం చిరాహృతా |
ప్రేషితం నామ పశ్యామి రాఘవేణ వనౌకసమ్ || 20
స్వప్నే౽పి యద్యహం వీరం రాఘవం సహలక్ష్మణమ్ |
పశ్యేయం నావసీదేయం స్వప్నొ౽పి మమ మత్సరీ || 21
నాహం స్వప్నం ఇమం మన్యే స్వప్నే దృష్ట్వా హి వానరమ్ |
న శక్యొ౽భ్యుదయః ప్రాప్తుం ప్రాప్త శ్చాభ్యుదయో మమ || 22
కి న్ను స్యాచ్చిత్త మొహొ౽యం భవేద్వాతగతి స్త్వియమ్ |
ఉన్మాదజొ వికారొ వా స్యాదియం మృగ తృష్ణికా || 23
అథవా నాయ మున్మాదొ మొహొ౽పున్మాద లక్ష్మణః |
సంబుధ్యే చాహమాత్మాన మిమం చాపి వనౌకసమ్ || 24
ఇత్యేవం బహుధా సీతా సంప్రధార్య బలాబలమ్ |
రక్షసాం కామ రూపత్వా న్మేనే తం రాక్షసాధిపమ్ || 25
ఎతాం బుద్ధిం తదా కృత్వా సీతా సా తను మధ్యమా |
న ప్రతివ్యాజహా రాథ వానరం జనకాత్మజా || 26
సీతాయా శ్చింతితం బుద్ధ్వా హనూమాన్ మారుతాత్మజః |
శ్రొత్ర అనుకూలై ర్వచనై స్తదా తాం సంప్రహర్షయత్ || 27
ఆదిత్య ఇవ తేజస్వీ లొక కాంత శ్శశీ యథా |
రాజా సర్వస్య లొకస్య దేవొ వైశ్రవణొ యథా || 28
విక్రమే ణోపపన్నశ్చ యథా విష్ణు ర్మహాయశాః |
సత్య వాదీ మధుర వాగ్ దేవొ వాచస్పతి ర్యథా || 29
రూపవాన్ సుభగః శ్రీమాన్ కందర్ప ఇవ మూర్తిమాన్ |
స్థాన క్రొధః ప్రహర్తా చ శ్రేష్ఠొ లొకే మహారథః || 30
బాహుచ్ఛాయా మవష్టబ్ధొ యస్య లొకొ మహాత్మనః |
అపకృ ష్యాశ్రమ పదా న్మృగ రూపేణ రాఘవమ్ |
శూన్యే యేనాపనీతాసి తస్య ద్రక్ష్యసి యత్ఫలమ్ || 31
నచిరా ద్రావణం సంఖ్యే యొ వధిష్యతి వీర్యవాన్ |
రొష ప్రముక్తై రిషుభి ర్జ్వలద్భిరివ పావకైః |
తేనాహం ప్రేషితొ దూత స్త్వత్సకాశ మిహాగతః || 32
త్వద్వియొగేన దుఃఖార్త స్స త్వాం కౌశల మబ్రవీత్ |
లక్ష్మణశ్చ మహాతేజా స్సుమిత్రానందవర్ధనః |
అభివాద్య మహాబాహు స్స త్వాం కౌశల మబ్రవీత్ || 33
రామస్య చ సఖా దేవి సుగ్రీవొ నామ వానరః |
రాజా వానర ముఖ్యానాం స త్వాం కౌశలమబ్రవీత్ || 34
నిత్యం స్మరతి రామ స్త్వాం ససుగ్రీవ సలక్ష్మణః |
దిష్ట్యా జీవసి వైదేహి రాక్షసీ వశ మాగతా || 35
నచిరాద్ ద్రక్ష్యసే రామం లక్ష్మణం చ మహాబలమ్ |
మధ్యే వానర కొటీనాం సుగ్రీవం చామితౌజసమ్ || 36
అహం సుగ్రీవ సచివొ హనూమాన్ నామ వానరః |
ప్రవిష్టొ నగరీం లంకాం లంఘయిత్వా మహోదధిమ్ || 37
కృత్వా మూర్ధ్ని పద న్యాసం రావణస్య దురాత్మనః |
త్వాం ద్రష్ట ముపయాతొ౽హం సమాశ్రిత్య పరాక్రమమ్ || 38
నాహ మస్మి తథా దేవి యథా మామవగచ్ఛసి |
విశంకా త్యజ్యతా మేషా శ్రద్ధత్స్వ వదతొ మమ || 39
ఇత్యార్షే, శ్రీమద్రామాయణే, వాల్మీకీయో, సుందరకాణ్డే చతుస్త్రింశః సర్గః