చతుర్థ సర్గ
Download శుద్ద పాఠ్యం | Audio
స నిర్జత్య పురీం శ్రేష్ఠాం లంకాం తాం కామరూపిణీమ్ |
విక్రమేణ మహాతేజా హనుమాన్ కపిసత్తమః |
అద్వారేణ మహాబాహుః ప్రకార మభిపుప్లువే | 1
ప్రవిశ్య నగరీం లంకాం కపిరాజహితంకరః |
చక్రే౽థ పాదం సవ్యం చ శత్రూణాం స తు మూర్ధని || 2
ప్రవిష్టః సత్త్వసంపన్నొ విశాయాం మారుతాత్మజః || 3
స మహాపథ మాస్థాయ ముక్తాపుష్పవిరాజితమ్ |
తతస్తు తాం పురీం లంకాం రమ్యామభియయౌ కపిః || 4
హసితో ఉత్కృష్టనినదై స్త్తూర్యఘొష పురస్సరైః |
వజ్రాంకుశనికాశైశ్చ వజ్ర జాల విభూషితైః |
గృహమేఘైః పురీ రమ్యా బభాసే ద్యౌ రివాంబుదైః ||5
ప్రజజ్వాల తదా లంకా రక్షోగణగృహై శుభైః |
సితాభ్రసదృశై శ్చిత్రైః పద్మ స్వస్తిక సంస్థితైః |
వర్ధమాన గృహైః శ్చాపి సర్వతః స్సువిభాషితా || 6
తాం చిత్ర మాల్యాభరణాం కపి రాజ హితం కరః |
రాఘవార్థం చరన్ శ్రీమాన్ దదర్శ చ ననంద చ || 7
భవనా ద్భవనం గచ్ఛన్ దదర్శ పవనాత్మజః |
వివిధాకృతిరూపాణి భవనాని తతస్తతః || 8
శుశ్రావ మధురం గీతం త్రి స్థాన స్వర భూషితమ్ |
స్త్రీణాం మద సమృద్ధానాం దివి చాప్సరసాం ఇవ || 9
శుశ్రావ కాంచీనినదం నూపురాణాం చ నిస్వనమ్ |
సొపాన నినదాం శ్చైవ భవనేషు మహాత్మనమ్ || 10
ఆస్ఫొటిత నినాదాంశ్చ క్ష్వేళితాంశ్చ తత స్తతః |
శుశ్రావ జపతాం తత్ర మంత్రాన్ రక్షొగృహేషు వై || 11
స్వాధ్యాయ నిరతామంశ్చైవ యాతుధానాన్ దదర్శ సః |
రావణ స్తవ సంయుక్తాన్ గర్జతో రాక్షసాన్ అపి || 12
రాజ మార్గం సమావృత్య స్థితం రక్షో బలం మహత్ |
దదర్శ మధ్యమే గుల్మే రాక్షసస్య చరాన్ బహూన్ || 13
దీక్షితాన్ జటిలాన్ ముండాన్ గో౽జినాంబర వాససః |
దర్భ ముష్టి ప్రహరణా నగ్నికుండాయుధాం తథా || 14
కూట ముద్గర పాణీంశ్చ దండాయుధ ధరానపి |
ఎకాక్షా నేకకర్ణాంశ్చలంబోదర పయోధరాన్ || 15
కరాలళాన్ భుగ్నవక్త్రాంశ్చ వికటాన్ వామనాంస్తథా |
ధన్వినః ఖడ్గిన శ్చైవ శతఘ్నీ ముసల ఆయుధాన్ || 16
పరిఘోత్తమ హస్తాంశ్చ విచిత్ర కవచోజ్జ్వలాన్ |
నాతిస్థూలాన్ నాతికృశాన్నాతిదీర్ఘ అతిహ్రస్వకాన్ |
నాతిగౌరా న్నాతికృష్ణా న్నాతికుబ్జాన్న వామనాన్ | 17
విరూపాన్ బహు రూపాంశ్చ సురూపాంశ్చ సువర్చసః |
ధ్వజీన్ పతాకిన శ్చైవ దదర్శ వివిధాయుధాన్ || 18
శక్తి వృక్ష ఆయుధాం శ్చైవ పట్టిసాశని ధారిణః |
క్షేపణీ పాశ హస్తాంశ్చ దదర్శ స మహా కపిః || 19
స్రగ్విణ స్త్వనులిప్తాంశ్చ వరాభరణ భూషితాన్ |
నానావేషసమాయుక్తాన్ యథా స్వైరగతాన్ బహూన్ |
తీక్ష్ణ శూలధరాంశ్చైవ వజ్రిణశ్చ మహా బలాన్ || 20
శత సాహస్రమవ్యగ్ర మారక్షం మధ్యమం కపిః |
రక్షొధిపతినిర్దిష్టం దదర్శాంతఃపురాగ్రతః || | 21
స తదా తద్గృహం దృష్ట్వా మహాహాటకతొరణమ్ |
రాక్షసేంద్రస్య విఖ్యాత మద్రిమూర్ధ్ని ప్రతిష్ఠితమ్ || 22
పుణ్డరీకావతంసాభిః పరిఖాభిరలంకృతమ్ |
ప్రాకారావృత మత్యంతం దదర్శ స మహా కపిః || 23
త్రివిష్టప నిభం దివ్యం దివ్య నాద వినాదితమ్ |
వాజి హేషిత సంఘుష్టం నాదితం భూషణైః తథా || 24
రథైః ర్యానైః ర్విమానైశ్చ తథా హయగజై శుభైః |
వారణైశ్చ చతుర్దంతైః శ్వేత అభ్ర నిచయోపమైః || 25
భూషితం రుచిర ద్వారం మత్తైశ్చ మృగ పక్షిభిః |
రక్షితం సుమహావీర్యై ర్యాతుధానై స్సహస్రశః |
రాక్షస అధిపతేః గుప్తం ఆవివేశ గృహం కపిః || 26
స హేమజాంబూనదచక్రవాళం మహార్హ ముక్తామణిభూషితాంతమ్ |
పరార్థ్యకాలాగురుచందనాక్తం స రావణాంతః పురమావివేశ || 27
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాండే, చతుర్థః సర్గః ||