షష్ఠ సర్గ
Download శుద్ద పాఠ్యం | Audio
స నికామం విమానేషు విషణ్ణః కామ రూపధృత్ |
విచచార పునర్లంకాం లాఘవేన సమన్వితః || 1
ఆససాద అథ లక్ష్మీవాన్ రాక్షస ఇంద్ర నివేశనమ్ |
ప్రాకారేణ అర్క వర్ణేన భాస్వరేణ అభిసంవృతమ్ || 2
రక్షితం రాక్షసైర్ ర్ఘోరై స్సింహై రివ మహద్ వనమ్ |
సమీక్షమాణొ భవనం చకాశే కపి కుంజరః || 3
రూప్య కొప హితై శ్చిత్రై స్తొరణైర్హేమ భూషితైః |
విచిత్రాభిశ్చ కక్ష్యాభి ర్ద్వారైశ్చ రుచిరైర్ వృతమ్ || 4
గజాస్థితై ర్మహా మాత్రై శూరైశ్చ విగత శ్రమైః |
ఉపస్థితమసం హార్యై ర్హయైః స్యందన యాయిభిః || 5
సిమ్హ వ్యాఘ్ర తను త్రాణైర్ దాంత కాంచన రాజతైః |
ఘొషవద్భిర్ విచిత్రైశ్చ సదా విచరితం రథైః || 6
బహు రత్న సమాకీర్ణం పరార్ధ్యాసన భాజనమ్ |
మహా రథ సమావాసం మహా రథ మహా ఆసనమ్ || 7
దృశ్యైశ్చ పరమోదారై స్తై స్తైశ్చ చ మృగ పక్షిభిః |
వివిధైర్ బహు సాహస్రైః పరిపూర్ణం సమంతతః || 8
వినీతైర్ అంత పాలైశ్చ రక్షొభిశ్చ సురక్షితమ్ |
ముఖ్యాభిశ్చ వర స్త్రీభిః పరిపూర్ణం సమంతతః || 9
ముదిత ప్రమదా రత్నం రాక్షసేంద్ర నివేశనమ్ |
వరాభరణ సంహ్రాదై సముద్ర స్వన నిస్వనమ్ || 10
తద్రాజ గుణ సంపన్నం ముఖ్యై శ్చాగరు చందనైః |
మహాజనై స్సమాకీర్ణం సింహైరివ మహద్వనమ్ || 11
భేరీమృదంగాభిరుతం శంఖఘొషనినాదితమ్ |
నిత్యార్చితం పర్వ హుతం పూజితం రాక్షసై స్సదా || 12
సముద్రమివ గంభీరం సముద్రమివ నిస్స్వనమ్ |
మహాత్మానొ మహద్ వేశ్మ మహా రత్న పరిచ్చదమ్ |
మహా రత్న సమా కీర్ణం దదర్శ స మహాకపిః || 13
విరాజమానం వపుషా గజ అశ్వ రథ సంకులమ్ |
లంకాభరణ మిత్యేవ సొ౽మన్యత మహాకపిః || 14
చచార హనుమాంస్తత్ర రావణస్య సమీపతః || 15
గృహాద్ గృహం రాక్షసానా మద్యానాని చ వానరః |
వీక్షమాణొ హ్యసంత్రస్తః ప్రాసాదాంశ్చ చచార సః || 16
అవప్లుత్య మహా వేగః ప్రహస్తస్య నివేశనమ్ |
తతొ౽న్యత్ పుప్లువే వేశ్మ మహా పార్శ్వస్య వీర్యవాన్ || 17
అథ మేఘ ప్రతీకాశం కుంభ కర్ణ నివేశనమ్ |
విభీషణస్య చ తథా పుప్లువే స మహా కపిః || 18
మహోదరస్య చ గృహాం విరూపాక్షస్య చైవ హి |
విద్యుజ్ జిహ్వస్య భవనం విద్యున్ మాలే స్తథైవ చ || 19
వజ్ర దంష్ట్రస్య చ తథా పుప్లువే స మహా కపిః |
శుకస్య చ మహా తేజా స్సారణస్య చ ధీమతః || 20
తథా చేంద్రజితొ వేశ్మ జగామ హరి యూథపః |
జంబు మాలే స్సుమాలేశ్చ జగామ హరి యూథపః || 21
రశ్మి కేతొశ్చ భవనం సూర్య శత్రొ స్తథైవ చ |
వజ్రకాయస్య చ తథా పుప్లువే స మహాకపిః |
ధూమ్రాక్షస్య చ సంపాతేర్ భవనం మారుతాత్మజః || 22
విద్యుద్రూపస్య భీమస్య ఘనస్య విఘనస్య చ || 23
శుక నాసస్య వక్రస్య శఠస్య వికటస్య చ |
బ్రహ్మ కర్ణస్య దంష్ట్రస్య రొమశస్య చ రక్షసః || 24
యుద్దోన్మత్తస్య మత్తస్య ధ్వజ గ్రీవస్య నాదినః |
విద్యుజ్జిహ్వేంద్ర జిహ్వానాం తథా హస్తి ముఖస్య చ || 25
కరాళస్య పిశాచస్య శొణితాక్షస్య చైవ హి |
క్రమమాణః క్రమేణైవ హనూమాన్ మారుతాత్మజః || 26
తేషు తేషు మహార్హేషు భవనేషు మహాయశాః |
తేషా మృద్ధిమతా మృద్ధిం దదర్శ స మహా కపిః || 27
సర్వేషాం సమతిక్రమ్య భవనాని సమంతతః |
ఆససాదాథ లక్ష్మీవాన్ రాక్షసేంద్ర నివేశనమ్ || 28
రావణ స్యోపశాయిన్యొ దదర్శ హరి సత్తమః |
విచరన్ హరి శార్దూలొ రాక్షసీర్ వికృతేక్షణాః || 29
శూల ముద్గర హస్తాశ్చ శక్తొ తొమర ధారిణీః |
దదర్శ వివిధాన్ గుల్మాన్ తస్య రక్షః పతేర్ గృహే || 30
రాక్షసాంశ్చ మహాకాయాన్ నానాప్రహరణొద్యతాన్ |
రక్తాన్ శ్వేతాన్ సితాంశ్చైవ హరీంశ్చాపి మహా జవాన్ ||31
కులీనాన్ రూప సంపన్నాన్ గజాన్ పరగజారుజాన్ |
నిష్ఠితాన్ గజ శిక్హాయాం ఐరావతసమాన్ యుధి || 32
నిహంతౄన్ పర సైన్యానాం గృహే తస్మిన్ దదర్శ సః |
క్షరతశ్చ యథా మేఘాన్ స్రవతశ్చ యథా గిరీన్ || 33
మేఘ స్తనిత నిర్ఘొషాన్ దుర్ధర్షాన్ సమరే పరైః |
సహస్రం వాహినీ స్తత్ర జాంబూనదపరిష్కృతాః || 34
హేమ జాల పరిచ్ఛన్నస్తరుణాదిత్యసన్నిభాః |
దదర్శ రాక్షసెంద్రస్య రావణస్య నివేశనే || 35
శిబికా వివిధాకారా స్స కపిర్మారుతాత్మజః |
లతా గృహాణి చిత్రాణి చిత్ర శాలా గృహాణి చ || 36
క్రీడా గృహాణి చాన్యాని దారు పర్వతకానపి |
కామస్య గృహకం రమ్యం దివా గృహక మేవ చ |
దదర్శ రాక్షసేంద్రస్య రావణస్య నివేశనే || 37
స మందరగిరి ప్రఖ్యం మయూర స్థాన సంకులమ్ |
ధ్వజ యష్టిభి రాకీర్ణం దదర్శ భవన ఉత్తమమ్ || 38
అనేక రత్న సంకీర్ణం నిధి జాలం సమంతతః |
ధీర నిష్ఠిత కర్మాంతం గృహం భూత పతే రివ || 39
అర్చిర్భిశ్చాపి రత్నానాం తేజసా రావణస్య చ |
విరరాజాథ తద్వేశ్మ రశ్మిమానివ రశ్మిభిః || 40
జాంబూ నదమయాన్యేవ శయనా న్యాసనాని చ |
భాజనాని చ ముఖ్యాని దదర్శ హరి యూథపః || 41
మధ్వాసవకృతక్లేదం మణి భాజన సంకులమ్ |
మనొరమ మసంబాధం కుబేర భవనం యథా || 42
నూపురాణాం చ ఘొషేణ కాంచీనాం నినదేన చ |
మృదంగ తల ఘొషైశ్చ ఘొషవద్భిర్వినాదితమ్ || 43
ప్రాసాద సంఘాత యుతం స్త్రీ రత్న శత సంకులమ్ |
సువ్యూఢ కక్ష్యం హనుమాన్ ప్రవివేశ మహా గృహమ్ || 44
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాండే, షష్ఠః సర్గః