23 సర్గ
Download శుద్ద పాఠ్యం | Audio
ఇత్యుక్త్వా మైథిలీం రాజా రావణః శత్రురావణః |
సందిశ్య చ తత స్సర్వా రాక్షసీ ర్నిర్జగామ హ || 1
నిష్క్రాంతే రాక్షసేంద్రే తు పున రంతఃపురం గతే |
రాక్షస్యొ భీమరూపాస్తా స్సీతాం సమభిదుద్రువుః || 2
తత స్సీతా ముపాగమ్య రాక్షస్యః క్రొధమూర్చితాః |
పరం పురుషయా వాచా వైదేహీ మిద మబ్రువన్ || 3
పౌలస్త్యస్య వరిష్ఠస్య రావణస్య మహాత్మనః |
దశగ్రీవస్య భార్యాత్వం సీతే న బహుమన్యసే || 4
తత స్వేకజటా నామ రాక్షసీ వాక్య మబ్రవీత్ |
అమంత్య్ర క్రొధతామ్రాక్షీ సీతాం కరతలోదరీమ్ || 5
ప్రజాపతీనాం షణ్ణాం తు చతుర్థొ యః ప్రజాపతిః |
మానసొ బ్రహ్మణః పుత్రః పులస్త్య ఇతి విశ్రుతః || 6
పులస్త్యస్య తు తేజస్వీ మహార్షి ర్మానస స్సుతః |
నామ్నా స విశ్రవా నామ ప్రజాపతి సమప్రభః || 7
తస్య పుత్రొ విశాలాక్షి రావణ శ్శత్రురావణః |
తస్య త్వం రాక్షసేంద్రస్య భార్యా భవితు మర్హసి || 8
మయొక్తం చారుసర్వాంగి వాక్యం కిం నామమన్యసే || 9
తతొ హరిజటా నామ రాక్షసీ వాక్యమబ్రవీత్ |
వివర్త్య నయనే కొపా న్మార్జారసదృశేక్షణా || 10
యేన దేవాస్త్రాయస్త్రింశ ద్దేవరాజశ్చ నిర్జతాః |
తస్య త్వం రాక్షసేంద్రస్య భార్యా భవితు మర్హసి || 11
తతస్తు ప్రఘసా నామ రాక్షసీ క్రొధమూర్ఛితా |
భర్త్సయంతీ తదా ఘొర మిదం వచన మబ్రవీత్ || 12
వీర్యొత్సిక్తస్య శూరస్య సంగ్రామే ష్వనివర్తినః |
బలినొ వీర్యయుక్తస్య భార్యాత్వం కిం న లప్స్యసే || 13
ప్రియాం బహుమతాం భార్యాం త్యక్త్వా రాజా మహాబలః |
సర్వాసాం చ మహాభాగాం త్వా ముపైష్యతి రావణః || 14
సమృద్ధం స్త్రీసహస్రేణ నానారత్నొపశొభితమ్ |
అంతఃపురం సముత్సృజ్య త్వా ముపైష్యతి రావణః || 15
అన్యా తు వికటా నామ రాక్షసీ వాక్యమబ్రవీత్ || 16
అసకృ ద్దేవతా యుద్ధే నాగగంధర్వదానవాః |
నిర్జితా స్సమరే యేన సతే పార్శ్వముపాగతః || 17
తస్య సర్వసమృద్ధస్య రావణస్య మహాత్మనః |
కిమద్య రాక్షసేంద్రస్య భార్యాత్వం నేచ్ఛసే౽ధమే || 18
తతస్తు దుర్ముఖీ నామ రాక్షసీ వాక్యమబ్రవీత్ |
యస్య సూర్యొ న తపతి భీతొ యస్య చ మారుతః || 19
న వాతి స్మాయతాపాంగే కిం త్వం తస్య న తిష్ఠసి || 20
పుష్ట వృష్టిం చ తరవొ ముముచు ర్యస్య వై భయాత్ |
శైలాశ్చ సుభ్రూః పానీయం జలదాశ్చ యదేచ్ఛతి || 21
తస్య నైరృతరాజస్య రాజరాజస్య భామిని |
కిం త్వం న కురుషే బుద్ధిం భార్యార్థే రావణస్య హి || 22
సాధు తే తత్త్వతొ దేవి కథితం సాధు భామిని |
గృహాణ సుస్మితే వాక్య మన్యథా న భవిష్యసి || 23
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాణ్డే, త్రయొవింశః సర్గః