39 సర్గ
Download శుద్ద పాఠ్యం | Audio
మణిం దత్త్వా తత స్సీతా హనూమంత మథాబ్రవీత్ |
అభిఙ్ఞానా మభిఙ్ఞాత మేత ద్రామస్య తత్త్వతః || 1
మణిం తు దృష్ట్వా రామో వై త్రయాణాం సంస్మరిష్యతి |
వీరొ జనన్యా మమ చ రాఙ్ఞో దశరథస్య చ || 2
స భూయ స్త్వం సముత్సాహే చొదితొ హరి సత్తమ |
అస్మిన్ కార్య సమారంభే ప్రచింతయ యదుత్తరమ్ || 3
త్వమస్మిన్ కార్య నిర్యొగే ప్రమాణం హరి సత్తమ |
హనుమన్ యత్నమాస్థాయ దుఃఖక్షయకరొ భవ |
తస్య చింతయ తో యత్నొ దుఃఖక్షయ కరొ భవేత్ || 4
స తథా ఇతి ప్రతిఙ్ఞాయా మారుతి ర్భీమ విక్రమః |
శిరసా౽౽వంద్య వైదేహీం గమనాయోపచక్రమే || 5
ఙ్ఞాత్వా సంప్రస్థితం దేవీ వానరం మారుతాత్మజమ్ |
బాష్ప గద్గదయా వాచా మైథిలీ వాక్యమబ్రవీత్ || 6
కుశలం హనుమన్ బ్రూయా స్సహితౌ రామ లక్ష్మణౌ |
సుగ్రీవం చ సహామాత్యం వృద్ధాన్ సర్వాంశ్చ వానరాన్ |
బ్రుయస్త్వాం వానరశ్రేష్ఠ కుశలం ధర్మసమ్హితమ్ || 7
యథా చ స మహాబాహు ర్మాం తారయతి రాఘవః |
అస్మా ద్దుఃఖాంబు సంరోధాత్ త్వం సమాధాతు మర్హసి || 8
జీవంతీం మాం యథా రామ స్సంభావయతి కీర్తిమాన్ |
తత్తథా హనుమన్ వాచ్యం వాచా ధర్మ మవాప్నుహి || 9
నిత్య ముత్సాహయుక్తాశ్చ వాచః శ్రుత్వా త్వయేరితాః |
వర్ధిష్యతే దాశరథేః పౌరుషం మదవాప్తయే || 10
మత్సందేశయుతా వాచస్త్వత్తః శ్రుత్వైవ రాఘవః |
పరాక్రమ విధిం వీరొ విధివత్ సంవిధాస్యతి || 11
సీతాయా వచనం శ్రుత్వా హనుమాన్ మారుతాత్మజః |
శిరస్యంజలి మాధాయ వాక్యముత్తర మబ్రవీత్ || 12
క్షిప్ర మేష్యతి కాకుత్‍స్థో హర్యృక్ష ప్రవరై ర్వృతః |
యస్తస్య యుధి విజిత్యారీన్ శొకం వ్యపనయిష్యతి || 13
న హి పశ్యామి మర్త్యేషు నాసురేషు సురేషు వా |
యస్తస్య ష్ఖిపతొ బాణాన్ స్థాతు ముత్సహతే౽గ్రతః || 14
అప్యర్కమపి పర్జన్యమపి వైవస్వతం యమమ్ |
స హి సొఢుం రణే శక్త స్తవ హేతొ ర్విశేషతః || 15
స హి సాగర పర్యంతాం మహీం శాసితు మీహతే |
త్వన్నిమిత్తొ హి రామస్య జయొ జనక నందిని || 16
తస్య తద్వచనం శ్రుత్వా సమ్యక్ సత్యం సుభాషితమ్ |
జానకీ బహు మేనే౽థ వచనం చేద మబ్రవీత్ || 17
తతస్తం ప్రస్థితం సీతా వీక్షమాణా పునః పునః |
భర్తృ స్నేహాన్వితం వాక్యం సౌహార్దా దనుమానయత్ || 18
యది వా మన్యసే వీర వసైకాహమరిందమ |
కస్మింశ్చిత్ సంవృతే దేశే విశ్రాంతః శ్వొ గమిష్యసి || 19
మమ చే దల్ప భాగ్యాయాః స్సామ్నిధ్యాత్తవ వానర |
అస్య శొకస్య మహతొ ముహూర్తం మొక్షణం భవేత్ || 20
గతే హి హరి శార్దూల పునరాగమనాయ తు |
ప్రాణానామపి సందేహో మమ స్యాన్నాత్ర సంశయః || 21
తవాదర్శనజ శ్శొకొ భూయొ మాం పరితాపయేత్ |
దుఃఖా దుఃఖ పరామృష్టాం దీపయన్నివ వానర || 22
అయం చ వీర సందేహ స్తిష్ఠతీవ మమాగ్రతః |
సుమహాం స్త్వత్సహాయేషు హర్యృక్షేషు హరీశ్వర || 23
కథం ను ఖలు దుష్పారం తరిష్యంతి మహోదధిమ్ |
తాని హర్యృక్ష సైన్యాని తౌ వా నర వరాత్మజౌ || 24
త్రయాణా మేవ భూతానాం సాగరస్యాస్య లంఘనే |
శక్తిః స్యాద్వైనతేయస్య తవ వా మారుతస్య వా || 25
తదస్మిన్ కార్య నిర్యొగే వీరైవం దురతిక్రమే |
కిం పశ్యసి సమాధానం త్వం హి కార్యవిదాం వరః || 26
కామ మస్యత్వమేవ ఎకః కార్యస్య పరిసాధనే |
పర్యాప్తః పర వీరఘ్న యశస్య స్తే ఫలోదయః || 27
బలై స్సమగ్రై ర్యది మాం రావణం జిత్య సంయుగే |
విజయీ స్వపురం యాయాత్ తత్తు మే స్యాద్ యశస్కరమ్ || 28
శరైస్తు సంకులాం కృత్వా లంకాం పర బలార్దనః |
మాం నయే ద్యది కాకుత్‍స్థ స్తత్తస్య సదృశం భవేత్ || 29
తద్యథా తస్య విక్రాంత మనురూపం మహాత్మనః |
భవే దాహవ శూరస్య తథా త్వ ముపపాదయ || 30
తదర్థోపహితం వాక్యం సహితం హేతు సంహితమ్ |
నిశమ్య హనుమాన్ శేషం వాక్యముత్తరమబ్రవీత్ || 31
దేవి హర్యృక్ష సైన్యానా మీశ్వరః ప్లవతాం వరః |
సుగ్రీవ స్సత్త్వ సంపన్న స్తవార్థే కృత నిశ్చయః || 32
స వానర సహస్రాణాం కొటీభి రభిసంవృతః |
క్షిప్ర మేష్యతి వైదేహి రాక్షసానాం నిబర్హణః || 33
తస్య విక్రమ సంపన్నా స్సత్త్వవంతొ మహాబలాః |
మన స్సంకల్ప సంపాతా నిదేశే హరయః స్థితాః || 34
యేషాం నోపరి నాధస్తా న్న తిర్యక్ సజ్జతే గతిః |
న చ కర్మసు సీదంతి మహ త్స్వమిత తేజసః || 35
అసకృత్ తై ర్మహోత్సహై స్ససాగర ధరా ధరా |
ప్రదక్షిణీ కృతా భూమి ర్వాయు మార్గానుసారిభిః || 36
మద్విశిష్టాశ్చ తుల్యాశ్చ సంతి తత్ర వనౌకసః |
మత్తః ప్రత్యవరః కశ్చిన్నాస్తి సుగ్రీవ సమ్నిధౌ || 37
అహం తావ దిహ ప్రాప్తః కింపున స్తే మహాబలాః |
న హి ప్రకృష్టాః ప్రేష్యంతే ప్రేష్యంతే హీతరే జనాః || 38
తదలం పరితాపేన దేవి శొకొ వ్యపైతు తే |
ఎకోత్పాతేన తే లంకా మేష్యంతి హరి యూథపాః || 39
మమ పృష్ఠ గతౌ తౌ చ చంద్రసూర్యా వివోదితౌ |
త్వత్సకాశం మహాసత్త్వౌ నృసింహా వాగమిష్యతః || 40
తతౌ వీరౌ నర వరౌ సహితౌ రామ లక్ష్మణౌ |
ఆగమ్య నగరీం లంకాం సాయకై ర్విధమిష్యతః || 41
సగణం రావణం హత్వా రాఘవొ రఘు నందనః |
త్వా మాదాయ వరారొహే స్వ పురం ప్రతియాస్యతి || 42
తదాశ్వసిహి భద్రం తే భవ త్వం కాల కాంక్షిణీ |
నచిరాద్ ద్రక్ష్యసే రామం ప్రజ్వలంత మివానిలమ్ || 43
నిహతే రాక్షసేంద్రే౽స్మిన్ సపుత్రామాత్య బాంధవే |
త్వం సమేష్యసి రామేణ శశాంకే నేవ రొహిణీ || 44
క్షిప్రం త్వం దేవి శొకస్య పారం యాస్యసి మైథిలి |
రావణం చైవ రామేణ నిహతం ద్రక్ష్యసే౽ చిరాత్ || 45
ఎవమాశ్వస్య వైదేహీం హనూమాన్ మారుతాత్మజః |
గమనాయ మతిం కృత్వా వైదేహీం పున రబ్రవీత్ || 46
తమరిఘ్నం కృతాత్మానం క్షిప్రం ద్రక్ష్యసి రాఘవమ్ |
లక్ష్మణం చ ధనుష్పాణిం లంకా ద్వార ముపస్థితమ్ || 47
నఖ దంష్ట్రాయుధాన్ వీరాన్ సింహ శార్దూల విక్రమాన్ |
వానరాన్ వారణేంద్రాభాన్ క్షిప్రం ద్రక్ష్యసి సంగతాన్ || 48
శైలాంబుదనికాశానాం లంకా మలయ సానుషు |
నర్దతాం కపి ముఖ్యానా మార్యే యూథా న్యనేకశః || 49
స తు మర్మణి ఘోరేణ తాడితొ మన్మథెషుణా |
న శర్మ లభతే రామ స్సింహార్దిత ఇవ ద్విపః || 50
మా రుదొ దేవి శొకేన మా భూత్తే మనసొ౽ప్రియమ్ |
శచీవ పత్వా శక్రేణ భర్త్రా నాథవతీ హ్యసి || 51
రామా ద్విశిష్టః కొ౽ న్యొ౽ స్తి కశ్చిత్ సౌమిత్రిణా సమః |
అగ్ని మారుత కల్పౌ తౌ భ్రాతరౌ తవ సంశ్రయౌ || 52
నాస్మిం శ్చిరం వత్స్యసి దేవి దేశే |
రక్షొ గణై రధ్యుషితే౽ తిరౌద్రే |
న తే చిరాదాగమనం ప్రియస్య |
క్షమస్వ మత్సాంగమ కాల మాత్రమ్ || 53
ఇత్యార్షే శ్రీమద్రామాయణే, వాల్మీకియే, సుంధరకాణ్డే ఎకొనచత్వారింశః సర్గః