50 సర్గ
Download శుద్ద పాఠ్యం | Audio
తముద్వీక్ష్య మహాబాహుః పింగాక్షం పురతః స్థితమ్ |
కోపేన మహతా౽౽విష్టొ రావణొ లొక రావణః || 1
శంకాహతాత్మా దధ్యౌ స కపీంద్రం తేజసా వృతమ్ |
కిమేష భగవాన్నందీ భవేత్ సాక్షా దిహాగతః || 2
యేన శప్తొ౽స్మి కైలాసే మయా సంచాలితే పురా |
సొ౽యం వానరమూర్తిః స్యాత్ కింస్విత్ బాణొ౽పి వా౽సురః || 3
స రాజా రొషతామ్రాక్షః ప్రహస్తం మంత్రిసత్తమమ్ |
కాల యుక్తమువాచేదం వచొ విపులమర్థవత్ || 4
దురాత్మా పృచ్ఛ్యతా మేష కుతః కిం వా౽స్య కారణమ్ |
వన భంగే చ కొ౽స్యార్థొ రాక్షసీనాం చ తర్జనే || 5
మత్పురీమప్రధృష్యాం వా౽౽గమనే కిం ప్రయొజనమ్ |
ఆయొధనే వా కిం కార్యం పృచ్ఛ్యతా మేష దుర్మతిః ||6
రావణస్య వచః శ్రుత్వా ప్రహస్తొ వాక్యమబ్రవీత్ |
సమాశ్వసిహి భద్రం తే న భీః కార్యా త్వయా కపే || 7
యది తావ త్త్వ మింద్రేణ ప్రేషితొ రావణాలయమ్ |
తత్త్వమాఖ్యాహి మా భూత్తే భయం వానర మొక్ష్యసే || 8
యది వైశ్రవణస్య త్వం యమస్య వరుణస్య చ |
చారు రూపమిదం కృత్వా ప్రవిష్టొ నః పురీ మిమామ్ |
విష్ణునా ప్రేషితొ వా౽పి దూతొ విజయ కాంక్షిణా || 9
న హి తే వానరం తేజొ రూప మాత్రం తు వానరమ్ |
తత్త్వతః కథయస్వాద్య తతొ వానర మొక్ష్యసే || 10
అనృతం వదత శ్చాపి దుర్లభం తవ జీవితమ్ |
అథవా యన్నిమిత్తం తే ప్రవేశొ రావణాలయే || 11
ఎవముక్తొ హరి స్రేష్ఠ స్తదా రక్షొ గణేశ్వరమ్ |
అబ్రవీన్నాస్మి శక్రస్య యమస్య వరుణస్య వా || 12
ధనదేన న మే సఖ్యం విష్ణునా నాస్మి చొదితః |
జాతి రేవ మమ త్వేషా వానరొ౽హ మిహాగతః || 13
దర్శనే రాక్షసేంద్రస్య దుర్లభే తదిదం మయా |
వనం రాక్షస రాజస్య దర్శనార్థే వినాశితమ్ || 14
తత స్తే రాక్షసాః ప్రాప్తా బలినో యుద్ధ కాంక్షిణః |
రక్షణార్థం తు దేహస్య ప్రతియుద్ధా మయా రణే || 15
అస్త్ర పాశై ర్న శక్యొ౽హం బద్ధుం దేవాసురైరపి |
పితామహాదేవ వరొ మమ ప్యేషొ౽భ్యుపాగతః || 16
రాజానం ద్రష్టు కామేన మయాస్త్ర మనువర్తితమ్ |
విముక్తొ హ్యహ మస్త్రేణ రాక్షసై స్వభిపీడితః || 17
కేనచిద్రాజకార్యేణ సంప్రాప్తొ౽స్మి తవాంతికమ్ |
దూతొ౽హ మితి విజ్ఙేయో రాఘవస్యామితౌజసః |
శ్రూయతాం చాపి వచనం మమ పథ్యమిదం ప్రభొ || 18
ఇత్యార్షే, శ్రీ మద్రామాయణే, వాల్మీకియే, సుందరకాండే, పఞ్చాశః సర్గః