28 సర్గ
Download శుద్ద పాఠ్యం | Audio
సా రాక్షసేంద్రస్య వచొ నిశమ్య, |
తద్రావణ స్యాప్రియ మప్రియార్తా, |
సీతా వితత్రాస యథా వనాంతే, |
సింహాభిపన్నా గజరాజకన్యా || 1
సా రాక్షసీమధ్యగతా చ భీరు, |
ర్వాగ్భిర్ భృశం రావణతర్జితా చ, |
కాంతారమధ్యే విజనే విసృష్టా, |
బాలేవ కన్యా విలలాప సీతా || 2
సత్యం బతేదం ప్రవదంతి లొకే, |
నాకాలమృత్యు ర్భవతీతి సంతః, |
యత్రాహమేవం పరిభర్త్స్యమానా, |
జీవామి కించిత్ క్షణమప్యపుణ్యా || 3
సుఖాద్విహీనం బహుదుఃఖపూర్ణ, |
మిదం తు నూనం హృదయం స్థిరం మే, |
విశీర్యతే యన్న సహస్రధా౽ద్య, |
వజ్రాహతం శృంగమివాచలస్య || 4
నైవాస్తి దొషొ మమ నూనమత్ర, |
వధ్యాహ మస్యాప్రియదర్శనస్య, |
భావం న చాస్యాహమనుప్రదాతు, |
మలం ద్విజొ మంత్రమివాద్విజాయ || 5
నూనం మమాంగా న్యచిరా దనార్య, |
శ్శస్త్రైశ్శితై శ్ఛేత్స్యతి రాక్షసేంద్రః, |
తస్మిన్ననాగచ్ఛతి లొకనాథే, |
గర్భస్థజంతొ రివ శల్యకృంతః || 6
దుఃఖం బతేదం మమ దుఃఖితాయా, |
మాసౌ చిరా యాధిగమిష్యతొ ద్వౌ, |
బద్ధస్య వధ్యస్య తథా నిశాంతే, |
రాజాపరాధా దివ తస్కరస్య || 7
హా రామ హా లక్ష్మణ హా సుమిత్రే, |
హా రామమాత స్సహ మే జనన్యా, |
ఏషా విపద్యా మ్యహ మల్పభాగ్యా, |
మహార్ణవే నౌరివ మూఢవాతా || 8
తరస్వినౌ ధారయతా మృగస్య, |
సత్త్వేన రూపం మనుజేంద్రపుత్రౌ, |
నూనం విశస్తౌ మమ కారణాత్తౌ, |
సింహర్షభౌ ద్వావివ వైద్యుతేన || 9
నూనం స కాలొ మృగరూపధారీ, |
మా మల్పభాగ్యాం లులుభే తదానీమ్, |
యత్రార్యపుత్రం విససర్జ మూఢా, |
రామానుజం లక్ష్మణపూర్వజం చ || 10
హా రామ సత్యవ్రత దీర్ఘబాహొ, |
హా పూర్ణచంద్రప్రతిమానవక్త్ర, |
హా జీవలొకస్య హితః ప్రియశ్చ, |
వధ్యాం న మాం వేత్సి హి రాక్షసానామ్ || 11
అనన్యదైవత్వమియం క్షమా చ |
భూమౌ చ శయ్యా నియమశ్చ ధర్మే |
పతివ్రతాత్వం విఫలం మమేదం |
కృతం కృతఘ్నేష్వివ మానుషాణామ్ || 12
మొఘొ హి ధర్మశ్చరితొ మయా౽యం, |
తథైకపత్నీత్వమిదం నిరర్థమ్, |
యా త్వాం న పశ్యామి కృశా వివర్ణా, |
హీనా త్వయా సంగమనే నిరాశా || 13
పితు ర్నిదేశం నియమేన కృత్వా, వనా న్నివృత్త శ్చరితవ్రతశ్చ, |
స్త్రీభిస్తు మన్యే విపులేక్షణాభి, స్త్వం రంస్యసే వీతభయః కృతార్థః || 14
అహం తు రామ త్వయి జాతకామా, చిరం వినాశాయ నిబద్ధభావా |
మొఘం చరిత్వా చ తపొ వ్రతం చ, త్యక్ష్యామి ధిగ్ జీవితమల్పభాగ్యా || 15
సా జీవితం క్షిప్రమహం త్యజేయం, |
విషేణ శస్త్రేణ శితేన వాపి, |
విషస్య దాతా న హి మే౽స్తి కశ్చిత్, |
శస్త్రస్య వా వేశ్మని రాక్షసస్య || 16
ఇతీవ దేవీ బహుధా విలప్య, |
సర్వాత్మనా రామ మనుస్మరంతీ, |
ప్రవేపమానా పరిశుష్కవక్త్రా, |
నగొత్తమం పుష్పిత మాససాద || 17
శొకభితప్తా బహుధా విచింత్య, |
సీతా౽థ వేణ్యు ద్గ్రథనం గృహీత్వా, |
ఉద్భుధ్య వేణ్యు ద్గ్రథనేన శ్రీఘ్ర, |
మహం గమిష్యామి యమస్య మూలమ్ || 18
ఉపస్థితా సా మృదుసర్వగాత్రీ, |
శాఖాం గృహీత్వా౽థ నగస్య తస్య, |
తస్యాస్తు రామం ప్రవిచింతయంత్యా, |
రామానుజం స్వం చ కులం శుభాంగ్యాః || 19
శొకానిమిత్తాని తథా బహూని, |
ధైర్యార్జితాని ప్రవరాణి లొకే, |
ప్రాదుర్నిమిత్తాని తదా బభూవుః, |
పురాపి సిద్ధా న్యుపలక్షితాని || 20
ఇత్యార్ష్తే శ్రీమద్రామాయణే, వాల్మీకియే, ఆదికావ్యే సుందరకాణ్డే అష్టావింశః సర్గః