20 సర్గ
Download శుద్ద పాఠ్యం | Audio
స తాం పరివృతాం దీనాం నిరానందాం తపస్వినీమ్ |
సాకారై ర్మధురై ర్వాక్యైః న్యదర్శయత రావణః || 1
మాం దృష్ట్వా నాగనాసొరు గూహమానా స్తనొదరమ్ |
అదర్శన మివాత్మానం భయా న్నేతుం త్వ మిచ్చసి || 2
కామయే త్వాం విశాలాక్షి బహుమన్యస్వ మాం ప్రియే |
సర్వాంగ గుణ సంపన్నే సర్వలొక మనొహరే || 3
నేహ కేచి న్మనుష్యా వా రాక్షసాః కామరూపిణః |
వ్యపసర్పతు తే సీతే భయం మత్త సముత్థితమ్ || 4
స్వధర్మొ రక్షసాం భీరు సర్వథైవ న సంశయః |
గమనం వా పరస్త్రీణాం హరణం సంప్రమథ్య వా || 5
ఎవం చైత దకామాం తు న త్వాం స్ప్రక్ష్యామి మైథిలి |
కామం కామ శ్శరీరే మే యథాకామం ప్రవర్తతామ్ || 6
దేవి నేహ భయం కార్యం మయి విశ్వసిహి ప్రియే |
ప్రణయస్వ చ తత్వేన మైవం భూ శ్శోకలాలసా || 7
ఎకవేణీ ధరాశయ్యా ధ్యానం మలిన మంబరమ్ |
అస్థానే ప్యుపవాసశ్చ నైతా న్యౌపయికాని తే || 8
విచిత్రాణి చ మాల్యాని చందనా న్యగరూణి చ |
వివిధాని చ వాసాంసి దివ్యా న్యాభరణాని చ || 9
మహార్హణి చ పానాని శయనా న్యాసనాని చ |
గీతం నృత్తం చ వాద్యం చ లభ మాం ప్రాప్య మైథిలి || 10
స్త్రీరత్నమసి మైవం భూః కురు గాత్రేషు భూషణమ్ |
మాం ప్రాప్య హి కథం ను స్యా స్త్వమనర్హా సువిగ్రహే || 11
ఇదం తే చారు సంజాతం యౌవనం వ్యతివర్తతే |
యదతీతం పునర్నైతి స్రొత శ్శీఘ్ర మపామివ || 12
త్వాం కృత్వొపరతొ మన్యే రూపకర్తా స విశ్వసృట్ |
న హి రూపొపమా త్వన్యా తవాస్తి శుభదర్శనే || 13
త్వాం సమాసాద్య వైదేహి రూపయౌవనశాలినీమ్ |
కః పుమా నతివర్తేత సాక్షాదపి పితామహః || 14
యద్యత్ పశ్యామి తే గాత్రం శీతాంశుసదృశాననే |
తస్మిం స్తస్మిన్ పృధుశ్రొణి చక్షు ర్మమ నిబధ్యతే || 15
భవ మైథిలి భార్యా మే మొహ మేనం విసర్జయ |
బహ్వీనా ముత్తమస్త్రీణా మాహృతానా మిత స్తతః || 16
సర్వాసా మేవ భద్రం తే మమాగ్రమహిషీ భవ |
లొకేభ్యో యాని రత్నాని సంప్రమ థ్యాహృతాని వై || 17
తాని మే భీరు సర్వాణి రాజ్యం చైత దహం చ తే |
విజిత్య పృథివీం సర్వాం నానానగరమాలినీమ్ || 18
జనకాయ ప్రదాస్యామి తవ హేతొర్విలాసిని |
నేహ పశ్యామి లొకే౽న్యం యో మే ప్రతిబలొ భవేత్ || 19
పశ్య మే సుమహ ద్వీర్య మప్రతిద్వంద్వ మాహవే |
అసకృత్ సంయుగే భగ్నా మయా విమృదితధ్వజాః || 20
అశక్తాః ప్రత్యనీకేషు స్థాతుం మమ సురాసురాః |
ఇచ్ఛ యా క్రియతా మద్య ప్రతికర్మ తవొత్తమమ్ || 21
సప్రభా ణ్యవసజ్యంతాం తవాంగే భూషణాని చ |
సాధు పశ్యామి తే రూపం సంయుక్తం ప్రతికర్మణా || 22
ప్రతికర్మాభిసంయుక్తా దాక్షిణ్యేన వరాననే |
భుంక్ష్వ భొగాన్ యథాకామం పిబ భీరు రమస్వ చ || 23
యథేష్టం చ ప్రయచ్ఛ త్వం పృథివీం వా ధనాని చ |
లలస్వ మయి విస్రబ్ధా ధృష్టమాజ్ఞా పయస్వ చ || 24
మత్ర్పసాదా ల్లలంత్యాశ్చ లలంతాం బాంధవా స్తవ |
బుద్ధిం మమానుపశ్య త్వం శ్రియం భద్రే యశశ్చ మే || 25
కిం కరిష్యసి రామేణ సుభగే చీరవాససా |
నిక్షిప్తవిజయో రామో గతశ్రీ ర్వనగొచరః |
వ్రతీ స్థండిలశాయీ చ శంకే జీవతి వా న వా || 26
న హి వైదేహి రామ స్త్వాం ద్రష్టుం వాప్యుపలప్స్యతే |
పురొబలాకై రసితై ర్మేఘొ ర్జ్యొత్స్నా మివావృతామ్ || 27
న చాపి మమ హస్తా త్త్వాం ప్రాప్తు మర్హతి రాఘవః |
హిరణ్యకశిపుః కీర్తి మింద్రహస్తగతామివ || 28
చారుస్మితే చారుదతి చారునేత్రే విలాసిని |
మనొ హరసి మే భీరు సుపర్ణః పన్నగం యథా || 29
క్లిష్టకౌశేయవసనాం తన్వీమ ప్యనలంకృతామ్ |
త్వాం దృష్ట్వా స్వేషు దారేషు రతిం నొపలభా మ్యహమ్ || 30
అంతః పురవినాసిన్యః స్త్రియ స్సర్వగుణాన్వితాః |
యావత్యొ మమ సర్వాసా మైశ్వరం కురు జానకి || 31
మమ హ్యసితకేశాంతే త్రైలొక్యప్రవరాః స్త్రియః |
తాస్త్వాం పరిచరిష్యంతి శ్రియమప్సరసొ యథా || 33
యాని వైశ్రవణే సుభ్రు రత్నాని చ ధనాని చ |
తాని లొకాంశ్చ సుశ్రొణి మాం చ భుంక్ష్వ యథాసుఖమ్ || 34
న రామ స్తపసా దేవి న బలేన విక్రమైః |
న ధనేన మయా తుల్య స్తేజసా యశసా౽పి వా |
పిబ విహర రమస్వ భుంక్ష్వ భొగాన్ |
ధననిచయం ప్రదిశామి మేదినీం చ |
మయి లల లలనే యథాసుఖం త్వం |
త్వయి చ సమేత్య లలంతు బాంధవా స్తే || 35
కుసుమిత తరుజాల సంతతాని|
బ్రమర యుతాని సముద్ర తీరజాని|
కనకవిమలహారభూషితాంగీ |
విహర మయా సహ భీరు కాననాని || 36
ఇత్యార్షే, శ్రీ మద్రామాయణే, వాల్మీకియే, ఆదికావ్యే, సుందరకాణ్డే, వింషః సర్గః